MANILA, Philippines - Sa unang araw nang pagdinig ng Department of Justice (DOJ) sa kasong isinampa ni TV host/actor Vhong Navarro ay hindi sumipot ang isinasangkot na sina Cedric Lee, Deniece Cornejo at anim na iba kahapon.
Tanging ang abogado lamang nina Cedric, Deniece at Bernice Lee na si Atty. Arleo Magtibay ang nakadalo sa preliminary investigation.
Sinabi ni Magtibay, dumalo umano sina Cornejo at ang magkaÂpatid na Lee sa kanilang pagdinig sa Taguig Regional Trial Court kaugnay ng isinampa nilang petition for temporary protection order.
Samantala, nagpalabas ang National Bureau of Investigation (NBI) ng bagong footage ng closed circuit television (CCTV) na kuha sa eleÂvator ng Forbeswood Heights Condominium sa Taguig City na nagpapakita na hinahalikan ni Cedric si Deniece sa magkabilang leeg.
Ang video na hawak ngayon ng NBI ay kuha noong Enero 23, 2014 na ilang oras lamang ang nakalipas matapos ang sinasabing pambubugbog kay Navarro at sinasabing pagbabalik sa nasabing condominium ng grupo ni Cedric mula sa pagpa-blotter sa actor sa pulisya.
Kaya’t malaki ang hinala ng NBI na hindi lang magkaibigan sina Cedric at Deniece kundi mag-lover.