MANILA, Philippines - Dead-on-the-spot ang isang 40-anÂyos na mister dahil sa dami ng tama ng bala sa ulo habang ang misis nito ay nasugatan matapos na sila ay pagbabarilin sa parking lot ng isang fastfood restaurant sa Brgy. Talaba 4, Bacoor City, Cavite kamakalawa.
Ang nasawi na halos nadurog ang ulo sa dami ng tama ng bala ay kinilalang si Nathaniel MenÂdieta, salesman, residente ng Phase 1, Barcelona Subdivision, Brgy. Buhay Na Tubig, Imus City, Cavite. Habang ang misis nitong si Atiane Briz, 27 ay nasugatan dahil sa tama ng bala sa hita.
Batay sa ulat, dakong alas-2:55 ng hapon ay magkasamang naglaÂlakad ang mag-asawa sa parÂking lot ng McDonald Restaurant kasama ang isang Peewee nang sumaÂbay ang isang lalaki at pinagbabaril si Mendieta.
Inubos ng suspek ang bala ng kanyang baril sa ulo ni Mendieta at ang ibang bala ay tumama sa misis nito.
Lumalabas sa imbesÂtigasyon na tatlong araw pa lamang nakalalabas ng kuluÂngan si Mendieta sa kasong estafa.
Narekober ng pulisya sa lugar ng insidente ang dalawang hindi rehistradong motorsiklo na ang isa ay kulay pula Suzuki skydrive at kulay berdeng Euro Motor GTX na nakaparada sa lugar na hinihinalang sa gunman at 28 basyo ng bala.