MANILA, Philippines - Natangay sa tatlong kawani ang kinubra nilang P149,000 sa bangko matapos na sila ay holdapin ng tatlong lalaki pabalik sa kanilang opisina kamakalawa sa Valenzuela City.
Sa salaysay ng isa sa tatlong biktima na si Erlinda Wijangco, empleyada ng RJS Industrial Construction and Development Corporation, alas-4:10 ng hapon, ay pabalik na sila sa kanilang opisina matapos mag-withdraw ng P149,000 sa bangko.
Paglapit nila sa kanilang sasakyan na nasa Kabatuhan St.,Centrum Compound, Barangay Mapulang Lupa ay pinaputukan ng mga suspek ang unahang gulong ng kanilang sasakyan at salamin.
Dito na lumapit ang tatlong suspek at sapilitang kinuha ang bag na kinalalagyan ng pera at mabilis na tumakas sakay ng motorsiklo.
Malaki ang hinala ng pulisya na inside job ang pangÂhoholdap dahil alam ng mga suspek kung anong oras kukubra ng pera ang mga biktima sa bangko.