MANILA, Philippines - Isang ina at tatlo nitong anak na paslit ang nalibing nang buhay makaraang matabunan ng gumuhong bundok ang kanilang bahay na nasa paanan na matatagpuan sa liblib na lugar sa Brgy.San Ildefonso, Casiguran, Aurora kamakalawa ng gabi.
Ang mga nasawi ay kinilalang sina Mercy Terobias, 42 anyos at mga anak nitong sina Carmi, 11; Vanessa, 8 at Jassel, 5.
Sa ulat bandang alas- 9:00 ng gabi nang maganap ang landslide na tumabon sa bahay ng mag-iina na nasa paanan ng bundok.
Sa inisyal na ulat, na ang landslide ay sanhi ng malalakas na pag-ulan sa nasabing lugar nitong nakalipas na mga araw.
Nabatid na mahimÂbing ng natutulog ang mag-iina nang biglang dumagundong ng maÂlakas at kasunod nito ay natabunan ng gumuhong bundok ang kanilang bahay.
Ang bangkay ng mga biktima ay narekober ng search and retrieval team ng lokal na pamahalaan na nagresponde sa lugar.Lumikas na ang iba pang residente sa lugar sa takot na muling magkaroon ng pagguho.