MANILA, Philippines - Natupok ng apoy ang tinatayang nasa P1.5-milÂyong halaga ng ari-arian na naganap sa two storey building sa San Juan City, kahapon ng madaling araw.
Nabatid mula sa San Juan City Bureau of Fire Protection (BFP) dakong alas-3:50 ng madaling araw ng sumiklab ang apoy sa bahay ng negosyanteng si Manuel Dino, 69 sa #3 Monroe St., West Greenhills sa lungsod.
Ayon kay FO2 Noel Binwag, nagsimula ang apoy sa isang silid ng pamilÂyang Dino sa ikalawang palapag ng kanilang bahay na naging dahilan upang mabilis na mag-takbuhan ang mga miyembro ng pamilya palabas para takasan ang lumiliyab ng apoy.
Naging mabilis naman ang pagresponde ng mga kagawad ng pamatay sunog sa pangunguna mismo ni San Juan City Fire Marshall Chief/Insp. Gilbert Dolot kaya hindi na kumalat ang apoy sa mga kalapit na resiÂdential building.
Nagtagal ang sunog ng halos isang oras na umabot 2nd alarm bago tuluyan idineklara na fire out ganap na alas 4:45 ng umaga.
Wala naman nailulat na nasaktan o nasawi sa nasabing sunog.