MANILA, Philippines -Lubog pa rin sa baha sanhi ng malalakas na pagbuhos ng ulan dulot ng habagat ang 18 lugar ng ilang lungsod at bayan sa lalawigan ng Laguna.
Batay sa ipinalabas na bulletin ni National Disaster Risk Reduction and Management Council (NDRRMC) Executive Director Eduardo del Rosario kabilang sa mga lugar na iniulat na apektado pa rin ng mga pagbaha ay ang mga lungsod ng Biñan at Calamba; mga bayan ng San Pedro, Sta. Cruz at Bay.
Nabatid na hanggang tuhod na pagbaha sa Brgy. De la Paz, San Isidro, Malabanan; pawang sa lungsod ng Biñan; Brgys. Cuyab, Landayan, Camcam; pawang sa San Pedro; Brgy. Palingon, Uwisan, Sucol, Pansol, Linga Purok 5 at 6, Lecheria; pawang nasasakupan naman ng Calamba City.
Mababa naman sa tuhod ang mga pagbaha sa Brgys. Sto. Domingo at San Antonio sa bayan ng Bay at mga Brgys. Santisima Cruz, Poblacion IV, Calios, Gatid; sa mga bayan ng Sta. Cruz.