MANILA, Philippines - Dedo ang isang tricycle driver nang pagbabarilin ng riding-in tandem, sa Pandacan, Maynila, kahapon ng madaling araw.
Tatlong tama ng bala ng 9mm na baril ang tiÂnamo ng di pa kilalangbiktima sa dibdib, likod at ulo, na tinatayang nasa edad 30 hanggang 40.
Sa ulat ni PO3 Rodelio Lingcong ng Manila Police District-Homicide Section, naganap ang insidente dakong alas 3:20 ng madaling araw kahapon, sa panulukan ng Holywood at Carrion Sts., sa Pandacan, Maynila.
Narekober ng awtoridad ang kulay itim na tricycle na ginamit ng bikÂtima, ang suot nitong relos at dalang cell phone na gagamitin naman ng mga pulis para makaugnayan ang mga kamag-anak ng biktima.
Natagpuan ang nakaÂtaob na bangkay ng biktima sa halos 15 metro mula sa tricycle na kanyang minamaneho na indikasyon na nagawa pa nitong tumakbo matapos pagbabarilin.
Palaisipan naman sa mga pulis kung bakit nagawi sa lugar ang tricycle ng biktima na naka-rehistro sa Mandaluyong City , batay sa plaka ng kanyang motorsiklo.