MANILA, Philippines - Isang 28-anyos na laÂlaki ang kinaladkad ng tatlong kalalakihan at pagkatapos na pagbabarilin ay pinugutan pa ito ng ulo na naganap kamakalawa ng gabi sa Brgy. LoÂwer Calarian, Zamboanga City.
Ang nasawing biktima ay natukoy sa ID na nakuha sa bulsa nito na kinilalang si Alraben Jallao, residente sa natuÂrang barangay.
Ang biktima ay tadtad ng mga tama ng bala ng M16 rifle at cal. 45 pisÂtol sa iba’t ibang bahaÂgi ng katawan at hindi pa nakunÂtento ang mga salaÂrin ay pinugutan pa ito ng ulo na kasalukuyang piÂnaghahanap pa ang ulo na nabigong makita kahapon ng mga nagrespondeng opeÂratiba ng Zamboanga City Police.
Sa pahayag naman ng mga residente dakong alas-8:10 ng gabi nang maganap ang krimen sa kahabaan ng Marlboro Drive, Brgy. Lower Calarian ng lungsod noong Agosto 4 ng gabi sa gitna ng malalakas na pagbuhos ng ulan ay isang lalaki ang nakita nilang kinakaladkad na sumisiÂgaw pa umano ng saklolo at kasunod ay mga putok ng baril.
Nagulantang na lamang ang mga residente ng kinabukasan ng umaga ay bumulaga sa kanila ang pugot ang ulong bangkay ng laÂlaki na tadtad ng mga tama ng bala sa katawan.
Pinaniniwalaan namang matindi ang galit ng mga suspek sa biktima.