MANILA, Philippines - Isang opisyal ng Municipal Environment and Natural Resources Officer (MENRO) at kasama nito ang pinagbabaril ng mga hindi pa kilalang suspek habang nagmomotorsiklo papasok sa kanilang trabaÂho kamakalawa sa highway ng Rosario, Agusan del Sur.
Namatay noon din ang mga biktimang sina Camilo Castones, 43, may-asaÂwa, MENRO officer at emÂpleyado ng lokal na paÂmahalaan ng Rosario, Agusan del Sur at Joseph Camarillo, 18, tricycle driver at naninirahan naman sa Purok Bahi, Sta. Cruz, Rosario.
Batay sa ulat, bandang alas-8:30 ng umaga ay magkaangkas ang dalaÂwang biktima sa motorsiklo na minamaneho ni Camarillo patungo sa MENRO monitoring post at pagdating sa Purok Guava, Brgy. Sta. Cruz nang tambangan ng mga suspek.
Mabilis na nagsitakas ang mga suspek patungo sa hindi pa malamang destinasyon.
Kabilang sa anggulong sinisilip ng mga otoridad sa kasong ito ay personal na alitan at may kinalaman sa trabaho kaugnay ng operasyon ng minahan sa bulubunduking bahagi sa Brgy. Sta. Cruz.