MANILA, Philippines - Nasawi noon din ang biktimang si Narlo Torno, 35-anyos matapos saksakin ng ice pick sa kili-kili na tumagos sa baga nito ng isang magpinsan kamakalawa sa Pasay City.
Pinaghahanap naman ngayon ang mga suspek na sina Cris Monsanto, 22-anyos, isa ring ice delivery boy at pinsan nitong si Kalaw Aranzado, kapwa ng no. 2461 Sporting Club, ng lungsod.
Sa ulat, dakong alas-4:10 ng madaling-araw sa sa loob ng Pasay Public Market nang pagtulungan ng magpinsan na Monsanto at Aranzado na saksakin si Torno.
Nabatid na paghihiganti ang motibo ng krimen matapos na unang inimbitahan ng mga opisÂyales ng Barangay 91 sa barangay hall si Torno noong Abril 13 makaraang masugatan sa kamay si Monsanto na kagagawan ng biktima nang magtalo ang dalawa ukol sa kanilang trabaho.
Hindi umano tinupad ni Torno na sasagutin ang pagpapagamot matapos na magkaaregluhan sa barangay hall na maaaring dahilan ng pagresbak.