MANILA, Philippines - “PAPAHINGA NA AKO, HINDI KO NA KAYA TALAGA, PAGOD NA AKO, KAW NA ANG BAHALA KAY CAI, MAHAL Q KAÂYONG LAHAT, SORY PAG PRAY NIO Q PAÂLAGEâ€.
Ito ang nakasaad na suicide note sa cell phone ng 7 buwang buntis na si Maricel Bautista, 25, ng #346 Magtibay St., Pasay City matapos itong magbaril sa kanang sentido gamit ang cal. 22, Black Widow na narekober ng mga tauhan ng Scene of the Crime Operative (SOCO) at kasalukuyang nasa comatose sa ospital.
Bukod pa sa nasabing suicide note sa cell phone ay nag-post pa ito sa kanyang Facebook account na “Beb susunod na kami ni baby bakit mo kami iniÂwan antayin mo kami, bakit hindi mo hinintay si babyâ€.
Nabatid na ang tinutukoy na Beb ng biktima ay ang mister nito na si Chucky Dee, isa sa limang biktima na pinagbabaril at pinatay ng hindi pa kilalang mga suspek kaÂmakailan sa tulay sa Pasay Road, Makati City.
Ligtas naman ang sanggol na isang baby boy nang mailabas sa sinapupunan at kasalukuyang nasa incuÂbator.
Batay sa ulat, dakong alas-5:30 ng hapon nang maganap ang insidente sa loob mismo ng bahay ng biyenang hilaw ng biktima sa Magtibay St. sa nasabing lungsod.
Ayon kay Cristina Cruz, 52, biyenang hilaw ng biktima dumating siya sa kanilang bahay at napansin niyang sarado ang kuwarto ng biktima at nang ito ay kanyang buksan ay tumambad ang duguang biktima na may tama ng bala sa sentido katabi ang baril.
Malaki ang hinala ng pulisya na posibleng maÂtinding depression kung kaya’t nagawa ng biktima ang pagpapakamatay dahil sa pangungulila sa napatay na mister na kinumpirma naman ng kapatid nito na si Mariel Alcantara, 20, dalaga.