MANILA, Philippines - Bunsod ng pagkakaroon ng sakit na Tuberculosis (TB) kaya ipinasya ng isang 24-anyos na lalaki na tapusin ang kanyang buhay sa pamamagitan ng pagbigti sa sarili sa loob ng kubeta sa Bayugan City, kahapon ng umaga.
Ayon sa ulat ng BayuÂgan Police Station, ang biktima ay nakilalang si Ariel Alliones Bolangaita, gasoline boy ng ASG Power Fuel Station sa Purok 9 ng nasabing lugar.
Ang biktima ay natagÂpuang walang buhay na nakabitin sa kisame sa banyo ng kanyang amo na si Ronald Anciado ganap na alas-6:00 ng umaga.
Dumating umano si Ronald sa gas station at napunang nakakandado ang loob ng pintuan ng CR nito.
Tinawag ni Ronald ang biktima pero hindi ito sumasagot kung kaya humingi na ng tulong ito sa kapitbahay at sapilitang binuksan ang pinto.
Pagkabukas ng CR ay saka nadiskubre ang nakaÂbiting katawan ng biktima. Sa pagsisiyasat ng awtoridad, si Bolangaita ay nakakaranas umano ng madalas na pagdura ng dugo dahil sa sakit na TB at itineks na niya ito sa kanyang kaanak at nagsabing hindi na niya kaya ang kanyang sakit.