MANILA, Philippines -Umapela sina Gabriela party-list Reps. Luz Ilagan at Emmi De Jesus na ‘wag gamiting biro ang isyu ng rape sa pagpapatawa.
Ito ang reaksyon ng dalawang lady solons sa naging joke ni Vice Ganda sa mga biktima ng rape sa kanyang concert kamakailan sa Araneta Coliseum na umani ng batikos sa mga netizens.
Nakiusap ang mga ito sa media na gamitin sa tamang paraan ang impluwensya laban sa karahasan sa mga kababaihan dahil ang rape joke ni Vice Ganda ay sumasalamin sa may malalim na problema sa
bansa at kung paano itinuturing ng ilan ang rape at karahasan sa mga kababaihan at kabataan.
Kaya’t muling iginiit ng mga kongresista na hindi dapat gamitin ang isyu ng rape sa anumang pagbibiro at sa halip ay maÂging maingat at sensitibo ang lahat lalo na at mabigat ang traumang dulot
nito sa mga biktima at kanilang pamilya.