MANILA, Philippines - Pinaaresto ng isang misis ang kanyang asawang pulis dahil sa hindi na umano nito makaya ang ginagawang panggugulpi sa kanya sa tuwing ito ay malalasing.
Ang suspek na posibleng matanggal sa serbisyo ay nakilalang si PO3 Jesus Manaois, 35, nakatalaga sa QCPD-Tactical Operation Center.
Ayon sa reklamo ng bikÂtima na si Marichelle Marawis, guro, madalas umano silang saktan na mag-iina ng suspek sa tuwing ito ay malalasing.
Ang huling insidente umano ay nangyari noong Mayo 19 nang umuwing laÂsing ang mister at nagalit nang hindi agad niya ito napagbuksan ng pinto.
May mga pagkakataon pa umanong tinututukan siya ng baril ng mister sa tuwing sila’y nagtatalo, sanhi para magdesisyon siyang ireklamo na ito.
Nakakulong ngayon ang suspek na nahaharap sa kasong paglabag sa Republic Act 9262 o Violence Against Women and their Children.