MANILA, Philippines - Inihayag kahapon ng Philippine National Police (PNP) na hindi pa maitutuÂring na ‘areas of concern’ o hotspot ang mga lungsod ng Maynila at Taguig kaugnay ng gaganaping midterm elections sa Mayo 13.
Ayon kay Chief Supt. Miguel Antonio, Deputy Task Force Commander ng SAFE (Secured and Fair Elections) 2013, pawang mga isolated case lamang ang insidente sa naturang mga lungsod.
Noong Sabado dakong alas-9:00 ng umaga ay siÂnugod ng nasa 40 mga supÂporters ni Taguig City mayoralty candidate Rica Tinga ang Taguig City Hall upang mangampanya sa mga empleyado dito.
Nagkagulo nang mambato ang mga supporÂters ni Tinga kung saan sinugod din ang mga ito ng mga security personnel na ikinasugat ng 12 nitong tagasuporta at isa sa mga nasugatan ay si Ervic Vijandre, actor model at kandidatong konsehal.
Sa naturang komprontasyon ay sugatan din sina Jalanie Datumanong at Ngura Malik; pawang kaÂsapi naman ng POSO
Sa lungsod ng Maynila ay nasugatan naman ang supporter ni vice mayoÂralty candidate Isko Moreno matapos ang mga itong pagbabatuhin ng mga bote ng mga supporter naman umano ni re-electionist Manila Mayor Alfredo Lim sa isang pagpupulong dakong alas-11 ng gabi sa Brgy. 498, sa panulukan ng Maria Clara at Crisostomo, Sampaloc.