MANILA, Philippines - Kapwa namatay noon din ang dalawang biktima na nakilalang sina Dandy Manzo, 21 at Onesto Intong, 22 habang nasugatan ang tatlo nilang kasama na sina Jose Gallo, 32, may-asawa, driver; Mark InÂtong, 20 at Rico Gallo, 21 pawang taga- Tondo Manila matapos na sumalpok ang sinasakÂyan nilang container van sa konkretong bakod at poste sa kahabaan ng GoÂvernor’s Drive, Brgy. Mabuhay, Carmona, Cavite kahapon ng madaling-araw.
Sa imbestigasyon, ganap na alas-3:00 ng madaling-araw ay sakay ang mga bikÂÂtima sa Isuzu Tractor (UVA-676) na minamaneho ni Gallo at may hilang container van (PUX-554) na pag-aari ng Wellcargo Customs Brokerage Inc. at binabagtas ang lugar patuÂngong Biñan, Laguna.
Nang mapadaan sa zigzag road ay hindi nakayanan ng truck dahil na rin sa may kabigatan ang hila nitong kargamento dahilan para sumabog ang airbreak kaya’t nawalan ng kontrol ang truck at sumalpok sa bakod ng TransOrient Enterprises at sumalpok din sa poste ng Meralco.
Nayupi at nawasak ang truck dahilan upang maipit ang limang biktima na ikinasawi noon din ng dalawang katao.