MANILA, Philippines - Tumataginting na P10 milyon ang umanoy tangkang isuhol ng mga kapamilya ng inarestong si Princess Aliah Tomawis Rasuman sa hepe ng Pasay City Police-Special Operations Unit na dumakip sa kanya.
Ito ang ibinulgar ni P/Chief Insp. Ernesto Vera Eco, Jr., hepe ng SOU, kung saan tinanggihan niya ang alok na malaking halaga ng pera nang ihain niya at ng mga tauhan ang warrant of arrest na inilabas ng Cagayan De Oro City 10th Judicial Region.
Nananatili naman sa tanggapan ng SOU si Princess at hindi pa mailipat sa regular na piitan para maprotektahan rin ang seguridad nito makaraang dumagsa ang mga naloko ng multi-milyong “pyramiding scam†ng mga Rasuman.
Inaasahan na maibibiyahe na nila si Princess sa Cagayan De Oro City upang ipasa ang kustodiya sa korte sa susunod na linggo.