MANILA, Philippines - Hindi na umabot ng buhay sa WesÂtern Medical CenÂter ang isang 9-anyos na baÂtang babae matapos itong lapain sa sakmal ng asong Belgian Malinois kamakalawa ng hapon sa Brgy. Pasonanca, Zamboanga City.
Ang biktima ay nakiÂlalang si Mariane GonzaÂles, Grade IV pupil sa PaÂÂsonanca Elementary School at residente ng Brgy. Cabatangan ng nasabing lungsod.
Nagtamo ang biktima ng grabeng sugat sa iba’t ibang bahagi ng katawan partikular na sa kaniyang leeg at balikat na naging sanhi ng kaniyang kamatayan.
Sa pagsisiyasat ni PO1 Ladja Alwasser, dakong alas-4:30 ng hapon nang maganap ang insidente sa Summer Hill Subdivision, Brgy. Pasonanca.
Nabatid na kasalukuÂyan naglalakad ang biktima kasama ang tatlo pang kapwa nito batang mag-aaral sa nasabing subdibisyon pauwi sa kaÂniÂlang bahay nang maÂkawala sa pagkakatali ang asong Belgian Malinois na pag-aari ng isang Geolar Tan nang ilabas ito sa gate upang pakainin ng dog handler na sina Joel Cañete at Arjay Sebreste.
Nabatid na nalagot ang tali sa leeg ng aso maÂtapos itong magwala at nagkataon namang nagÂlalakad ang apat na bata sa lugar.
Hinabol ng aso ang mga bata kung saan ang biktima ang inabutan matapos itong madapa at mahulog ang isang paa sa kanal at dito na sinakmal sa leeg at pagkatapos ay nilapa.
Nagkataon namang nasa Maynila ang may-ari ng aso kung saan ang mga tagapangalaga nitong sina Cañete at Sebrestre ang inaresto ng mga otoridad bunga ng insidente.
Hinihintay pa ng pulisÂya ang mga magulang ng biktima kung desidido ang mga ito na magsampa ng kasong reckless impruÂdence resulting to homicide laban sa may-ari ng aso at dalawang caretaker nito.