MANILA, Philippines - Dahil umano sa pera at pisikal na pananakit kung kaya’t nagawa ng isang Pinay na umupa ng hired killer upang todasin ang kanyang mister na Hapones kamakailan.
Ito ang lumalabas sa imbestigasyon ng pulisÂya matapos na maaresto ang misis na siyang utak sa pagpatay sa mister nitong si Hideo Niikura, 61-anÂyos noong DisÂyembre 29 ng nakalipas na taon.
Ang mga naaresto ng operatiba ng PNP-CriÂminal Investigation and Detection Group (PNP-CIDG) sa follow-up opeÂration sa Dasmariñas City, Cavite ay kinilaÂlang sina Merlinda Soria na kilala rin bilang Melinda Niikura (miÂsis ng biktima); Gabriel Soria; Mark Anthony Soria; Gil Brown Ilag at ang itinuturong gunman na si Arnold Marcos na pawang magkakamag-anak.
Ang mga suspek ay nasakote nitong Biyernes ng umaga sa serye ng hot pursuit operations sa Brgy. Sto Niño at Poblacion ng lungsod sa bisa ng warrant of arrest na inisyu ng korte kaugnay ng pagbaril at pagkakapatay kay Niikura.
Nakumpiska mula kay Marcos ang isang cal. 45 caspian pistol at isa ring cal .45 pistol mula naman kay Mark Anthony.
Lumilitaw naman sa imbestigasyon na si Merlinda ang nag-utos na paslangin ang kaniyang asawa dahilan umano sa usapin ng pera at umaÂno’y pisikal nitong pangÂaabuso sa kaniya.
Nabatid na sina Gabriel, Mark Anthony at kaibigan ng mga itong si Brown ang umupa ng hired killer na binayaran ng P 100,000 para paslaÂngin ang Hapones.