MANILA, Philippines - Kung si House Speaker Feliciano “SB” Belmonte ang tatanungin ay pabor ito sa kahilingan na Christmas furlough ni dating Pangulo at ngayon ay Pampanga Representative Gloria Arroyo.
Ayon kay Belmonte, wala namang masama kung humiling ng tatlong linggong bakasyon ang dating pangulo at pansamantalang makalabas ng Veterans Memorial Medical Center (VMMC) para makasama ang kanyang pamilya ngayong Pasko.
Sigurado naman umano na gwardiyado si Gng.Arroyo kapag ito ay pansamantalang lumabas ng ospital.
Subalit, anya nakadepende pa rin sa Sandiganbayan kung pagbibigyan ang hirit ni Gng. Arroyo na nahaharap sa kasong plunder dahil sa paglustay sa intel funds ng Philippine Charity Sweepstakes Office (PCSO) noong kanyang panahon.