Sementeryo sa MM dinagsa ng milyong katao

MANILA, Philippines - Kaugnay sa paggunita ng Undas ay tinatayang uma­bot sa milyong katao ang  dumagsa sa iba’t ibang sementeryo sa Metro Manila.

Ayon kay Philippine National Police (PNP) Spokesman Chief Supt. Generoso Cerbo Jr, bandang alas-10:00 ng umaga nang magsimulang bumuhos ang mga tao para dumalaw sa puntod ng kanilang mga mahal sa buhay.

Sa lugar ng Manila Po­lice District ay naitala sa 800,000 ang bumisita sa North Cemetery; South Ce­metery 35,000; La Loma Cemetery 7,000 at Chinese Cemetery 2,500, Sa Southern Police District tulad sa Manila Memorial Park ay 70,000; Loyola Memorial Park 16,000; Libingan ng mga Bayani 34,200; Manila South Cemetery 30,000; Heritage Cemetery 700 at Garden of Memories 3,000.

Naitala naman ng Quezon City Police District  ang 10,000 katao sa Baesa Ce­metery; Himlayang Pilipino 17,000; Holy Cross 4,000 at Novaliches Cemetery 2,500.

Sa monitoring naman ng Eastern Police District sa Loyola Memorial ay nasa 7,000; Pasig Cemetery 4, 300 at Mandaluyong Ceme­tery 3,500.

Inihayag ng opisyal na sa Northern Police District ay aabot naman sa 20,000 ang dumagsa sa Eternal Gardens at Sangandaan Cemetery 5,000. Kaugnay nito, nakasam­sam naman ang mga awto­ridad ng 93 patalim at iba pang matutulis na bagay, 71 flammable materials, limang stereos at ilang baraha. – Joy Cantos, Doris Franche-Borja –