MANILA, Philippines — Hahataw ngayon ang inaabangang 2024-2025 Premier Volleyball League (PVL) All-Filipino Conference tampok ang dalawang laro sa Philsports Arena sa Pasig City.
Magtutuos ang Akari at Galeries Tower sa alas-4 ng hapon kasunod ang banatan ng Choco Mucho at Petro Gazz sa alas-6:30 ng gabi.
Idedepensa ng Creamline Cool Smashers ang kanilang koronang napanalunan laban sa Flying Titans.
Sisimulan ng Cool Smashers ang pagtatanggol sa korona sa Nobyembre 16 kontra sa Gazz Angels.
Isasalang ng Chargers sina Ivy Lacsina, Ced Domingo, Faith Nisperos at Fifi Sharma katuwang sina Gretchel Soltones at Michelle Cobb.
Bigo ang koponan na masilat ang Cool Smashers sa nakaraang PVL Reinforced Conference Finals.
Sina Grazie Bombita at Jewel Encarnacion ang aasahan naman ng Highrisers tampok si top rookie Julia Coronel na miyembro ng Alas Pilipinas.
Samantala, muli na mang babanderahan nina veterans Sisi Rondina, Royse Tubino, Dindin Manabat at ang nagbaba lik na si Kat Tolentino ang Flying Titans kontra kina Jonah Sabete, Aiza Pontillas at MJ Phillips ng Gazz Angels
Samantala, nagpaalam na si Risa Sato sa Cool Smashers matapos ang anim na taong paglalaro.
Wala pang pahayag ang 30-anyos na middle blocker kung saan lilipat.