MANILA, Philippines — Hindi na makapaghintay si PBA Season 49 Rookie Draft No. 2 overall pick Sedrick Barefield na maipakita ang kanyang husay suot ang uniporme ng Blackwater sa darating na Governors’ Cup.
“The only expectation I try to focus on is what the team asks from me. And that is to win games each and every game,” wika ng Fil-Am guard.
“That’s my main focus, going out there each night and being present to win games,” dagdag nito sa season-opening conference na magsisimula sa Agosto 18.
Naglaro ang 27-anyos na si Barefield sa ilalim ni dating NBA champion coach Larry Brown sa MSU Mustangs bago lumipat sa Utah.
Hindi siya napili noong 2019 NBA Draft, ngunit kumampanya para sa Oklahoma City Blue, ang koponan ng Thunder sa NBA G. League.
Sumabak din ang tubong Corona, California sa mga liga sa Lithuania, Greece, at Africa at minsang naglaro sa Bay Area Dragons sa East Asia Super League (EASL) at sa Taipei Fubon Braves sa P.League+.
Sa tatlong naipanalong pre-season games ng Bossing ni coach Jeffrey Cariaso ay si Barefield ang bumida,