MANILA, Philippines — Bibisita ang Philippine Blu Girls team sa lingguhang Philippine Sportswriters Association (PSA) Forum ngayong umaga sa conference hall ng Rizal Memorial Sports Complex.
Tatalakayin ni Amateur Association of the Philippines (Asaphil) secretary general Cheska Altamonte at mga team members sa pang alas-11 ng umagang sesyon ang paghahanda nila para sa 2023 Softball World Cup sa Italy.
Nakatakda ang World Cup sa Hulyo 22 hanggang 27 kung saan makakatapat ng Blu Girls ang World No. 1 team Japan, Canada, New Zealand, Venezuela at ang host country.
Ang PSA Forum ay inihahandog ng San Miguel Corporation, Philippine Sports Commission, MILO, Philippine Olympic Committee at Philippine Amusement and Gaming Corporation (PAGCOR).
Ang public sports program ay naka-livestream via PSA Facebook page fb.com/PhilippineSportswritersAssociation at isinasaere sa Radyo Pilipinas 2.