MANILA, Philippines — Nagkadehadohan noong Sabado sa pista ng Metro Turf, Malvar-Tanauan City sa Batangas kaya walang nagwagi sa Winner Take All at nagkaroon ng Carry Over.
May carry over na P1,754,561.26 at idinagdag ito sa dibidendo ng first winner take all kahapon na nagsimula sa Race 2.
Natakam ang mga karerista sa milyun na carry over kaya naman nagdagsaan sila sa betting station para magbakasakali.
Umabot ng P6,611,499 ang gross sales sa winner take all kahapon.
Bukod sa WTA, nagkaroon din ng carry over sa Pentafecta at Super Six noong Sabado rin at idinagdag din ito sa dibidendo sa Race 2 kahapon.
Umabot sa P20,986.38 ang CO sa Pentafecta habang P21,882.53 ang sa Super Six.