Valenzuela City, Philippines — Nagposte ng magkahiwalay na panalo ang Iloilo United Royals, Valenzuela Classic at Bicol Volcanoes para palakasin ang kani-kanilang tsansa sa playoffs sa Maharlika Pilipinas Basketball League Lakan Season.
May limang players na kumamada ng double figures, tinalo ng Royals ang Bacolod Master’s Sardines, 89-81.
Umakyat naman ang Royals sa 11-8 sa South division at tumaas ang baraha ng Classic sa 9-12 sa North division.
Sumandal ang Classic kay Val Acuña para gibain ang Pasay Voyagers, 77-61.
Tumapos si Acuña na may 27 points tampok ang limang triples para sa Classic.
Binigo ng Volcanoes ang Nueva Ecija Rice Vanguards, 70-58, para sa kanilang ikatlong sunod na ratsada.