Caracut maglalaro sa SMB-Alab sa ABL

MANILA, Philippines — Bubuksan ni dating La Salle guard Andrei Ca­racut ang bagong kabanata sa kanyang bas­ket­ball career matapos hindi makapasok ang Green Archers sa Final Four ng 82nd UAAP men’s basketball tourna­ment sa huli niyang pla­ying year.

Inihayag ng 6-foot-1 guard ang desisyon niyang sumali sa San Miguel-Alab Pilipinas para sa ASEAN Basketball League 2019-2020 Season ngayong buwan.

“On to the next chapter. It’s an honor to play for your country with Alab Pilipinas,” wika ni Caracut.

Nagrehistro si Caracut ng mga averages na 9.6 points, 3.0 rebounds at 4.1 assists subalit sa hin­di ito sumapat upang ma­dala niya ang De La Salle sa Final Four.

Nagkasya sa 7-7 kar­tada ang Green Archers upang magtapos sa ikalimang puwesto sa likod ng FEU Tamaraws at San­to Tomas Tigers na may 8-6 baraha.

Sa kampo ng SMB-Alab ay sasamahan ni Caracut sa backcourt si­na Fil-Am Jason Brickman, Roosevelt Adams, Aaron Aban, Louie Vi­gil, Jordan Heading at world import Khalif Wyatt.

Nasa koponan din ni head coach Jimmy Alapag si resident import Re­naldo Balkman.