BANGKOK, Thailand - Humakot ang Team Philippines ng 50 gintong medalya sa katatapos na Skate Asia 2018.
Sumabak ang 17 Filipino figure skaters sa higit sa 100 events at nakakolekta ng kabuuang 103 medalya.
Bukod sa 50 gold medals ay nagtala din ang koponan ng 43 silver at 10 bronze medals laban sa halos 1,000 partisipante mula sa China, Hong Kong, Malaysia, Singapore at Vietnam.
Dalawang Filipino figure skaters ang nagdomina sa kanilang mga events sa nasabing eight-day competition.
Winalis ng 13-anyos na si Gabrielle Lim ang pitong events at nanguna ang 16-anyos na si Karylle Cate Kho sa limang events.
Sinabi ni Lim na nagustuhan niyang subukan ang figure skating matapos makapanood ng Japanese sports anime television series.
Ang mga Filipino figure skaters ay ginabayan nina Dave Alarcon, Abraham Domdom at Eric Navalta.