LARO NGAYON
(The Arena, San Juan)
1 p.m.- PLDT Home Ultera vs Navy
3 p.m.- Air Force
vs Cignal HD TV
MANILA, Philippines – Bubuksan ngayon ng Cignal HD TV at ng Philippine Air Force ang kanilang best-of-three championship series para sa Spikers’ Turf Season 1-Reinforced Conference na inihahandog ng PLDT Home Ultera sa The Arena sa San Juan City.
Magtutuos ang HD Spikers at ang Raiders sa Game One ngayong alas-3 ng hapon matapos ang laro ng PLDT Home Ultera Ultrafast Spikers at Navy Sailors para sa third place trophy.
Tinalo ng Cignal HD TV ang PLDT, 25-22, 21-25, 25-23, 11-25, 15-8, habang dinaig ng Air Force ang Navy, 25-15, 20-25, 29-27, 24-26, 15-12 sa semifinals para itak-da ang kanilang cham-pionship duel.
Nauna nang tinalo ng Raiders ang HD Spikers, 22-25, 18-25, 25-20, 21-25 noong Oct. 17 sa elimination round.
Muling ipaparada ng Air Force ang attacking combo nina Jeffrey Malabanan, Rodolfo Labrador, Reyson Fuentes at Ruben Inaudito na humataw ng 17 at tig-16 hits, ayon sa pagkakasunod, para ta-lunin ang Navy.
Matapos namang matalo sa Raiders ay tatlong sunod na panalo ang itinala ng HD Spikers, kabilang dito ang paggiba sa Ultrafast Spikers, ang Open Conference champion.