Energy nakalusot laban sa Gin Kings

MANILA, Philippines – Nang magtayo ng 21-point lead sa opening pe­riod ay kaagad nagdiwang ang Barangay Gi­neb­ra.

Ngunit hindi sumuko ang Barako Bull.

Sumandal kina JC Intal, RR Garcia at Chico La­­nete sa second half, bi­­nalikan ng Energy ang Gin Kings, 82-79, para ku­­nin ang una nilang panalo sa 2015 PBA Philippine Cup kagabi sa Mall of Asia Arena sa Pasay Ci­ty.

“All the teams are real­ly pumped up when they face a team like Ginebra,” sabi ni coach Koy Banal, nakahugot ng 22 points kay Intal at 16 kay Garcia. “I give credit to the pla­yers. They really prepared them­selves emotionally and psy­­chologically.”

Ang tres ni Sol Mercado ang nagbigay sa Ginebra ng 27-6 kalamangan sa first quarter bago nakatabla ang Barako Bull sa pagtatapos ng third period, 57-57, mula sa split ni Mac Baracael sa huling 2.4 segundo.

Huling nahawakan ng Gin Kings ang unahan sa 73-68 mula sa dalawang free throws ni seven footer Greg Slaughter sa huling apat na minuto ng laro.

Isang 12-0 atake, tampok ang dalawang tres ni­na Garcia at Mic Pennisi, ang nagbigay sa Energy ng eight-point lead, 80-73, sa huling 1:46 minuto.

Nagsalpak naman sina  Mercado at LA Tenorio ng dalawang sunod na triples para idikit ang Ginebra sa 79-80 sa nalalabing 12 segundo kasunod ang dalawang charities ni Garcia sa huling walong segundo para muling ilayo ang Ba­rako Bull sa 82-79.

Sa unang laro, tinalo ng Talk ‘N Text ang Mahindra, 101-97.

“We’re not where we should be. We still have a long way to go,” sabi ni mentor Jong Uichico sa kan­yang Tropang Texters.

Umiskor si point guard Jayson Castro ng siyam sa kanyang 28 points sa fourth quarter, habang nag-ambag sina rookies Moa­la Tautuaa at Troy Ro­sario ng tig-12 mar­kers.

Talk ‘N Text 101 – Cas­tro 28, Rosario 12, Tautuaa 12, Fonacier 11, Reyes 10, R. Reyes 10, Carey 6, Rosser 6, Miranda 3, Seigle 3, Aban 0, Rodriguez 0.

Mahindra 97 – Revilla 21, Guinto 17, Ramos 13, Jaime 12, Hubalde 8, Pinto 8, Canaleta 7, Bagatsing 5, Yee 4, Webb 2, Alvarez 0, Laure 0.

Quarterscores: 24-19; 47-53; 73-76; 101-97.

Barako Bull 82 – In­tal 22, Garcia 16, Baracael 8, Lanete 8, Monfort 7, Caperal 6, Pennisi 6, Wilson 6, Miranda 2, Cruz 1, Soro­ngon 0, Urbiztondo 0.

Ginebra 79 – Slaughter 27, Tenorio 12, Ellis 9, Mercado 9, Aguilar 6, Caguioa 6, Devance 6, Marcelo 2, Sal­va 2, Brondial 0, Helterbrand 0, Thompson 0.

Quarterscores: 9-29; 36-43; 57-57; 82-79.