MANILA, Philippines – Nakasalo si FIDE Master Paulo Ber-samina sa unang puwesto sa nagdedepensang kampeong si IM Srinath Narayanan ng India matapos talunin si candidate Master Marc Christian Nazario sa 2014 Asian Juniors and Girls Chess Championships na kasalukuyang idinaraos sa Tagaytay International Convention Center.
Gumamit si Bersamina ng Queen’s Pawn Opening hawak ang mga puting piyesa, upang pasukuin si Nazario matapos ang 31 moves na nagsulong sa kanya sa 2-0 sa Open division na bukas para sa mga 20-anyos pababa na chess players.
Ang top seed na si Narayan na may Ello rating na 2461 ay nanaig naman kay FM Sumiya Biguun para hawakan din ang 2-0 karta.
Naka-draw ang second seed IM na si Jan Emmanuel Garcia kay Haque Siam Ikramul ng Bangladesh para sa 1.5 puntos upang makatabla ang tinalong manlalaro at si Ne-palese Bibek Thing.
Si Thing ay tumabla kay Daryl Unix Samantila.
Sa girls division, pina-bagsak ni Kazakh WFM Sholpan Zhylkaidarova si WFM Marie Antoinette San Diego para sa 2-0 baraha at saluhan si Indian WFM Ruchu Pujari na tinalo si WFM Shania Mae Mendoza.
Nagtabla sina Indian players PV Nandhidhaa at J Saranya para magkaron ng 1.5 puntos tulad ni top seed WIM Maria Furtado na pinataob si Jerly Mae San Diego.
Ang ikatlong round sa nine-round tournament ay nilalaro pa habang isinusulat ang balitang ito.