LAS VEGAS -- Nahaharap ang Los Angeles Clippers star na si Blake Griffin sa misdemeanor battery charge dahil sa kanyang pakikipag-away sa isang lalaki sa Las Vegas Strip nightclub, ayon sa nakuhang court records.
Ang 25-gulang na si Griffin ay nakatakdang basahan ng sakdal sa Dec. 8 sa harap ng Las Vegas justice of the peace sa kasong maaari niyang ikakulong ng anim na buwan kung siya ay mapapatunayang may sala.
Ang asunto ay isinampa noong Biyernes at ipinatawag siya ng korte para magpaliwanag.
Alam na ng Clippers ang tungkol sa kaso, ayon kay team spokesman Seth Burton ngunit wala pa silang comment tungkol dito. Hindi pa malinaw kung may abogado na si Griffin para asikasuhin ang kanyang kaso.