MANILA, Philippines - Pinanatili ng University of Santo Tomas ang kanilang hangarin sa patuloy na pagsuot sa men's title matapos talunin ang De La Salle University, 4-3, sa UAAP Season 77 taekwondo tournament sa The Arena sa San Juan.
Tinalo ni light heavyweight Aries Capispisan si Gerry del Rosario, 7-6, para sa 5-0 record ng Growling Tigers.
Nanalo rin ang UST sa women's division nang gibain ang University of the Philippines para sa unang kabiguan ng huli sa season.
Sa likod ng 7-6 panalo ni heavyweight Jane Narra kay Cyrmyn Perlas sa seventh bout, tinakasan ng Tigresses ang Lady Maroons, 7-6.
Nagbigay din ng panalo para sa Tigers sina veterans Joaquin Mendoza, Paul Romero at Rhey Catris.
Nagtala naman ng panalo sina 2013 MVP Nicole Cham, Colleen Heria at Korina Paladin para sa Tigresses kontra sa Lady Maroons.
Pumuwersa ang nagdedepensang De La Salle ng isang three-way tie para sa first place kasosyo ang UST at UP sa magkakatulad nilang 4-1 marka mula sa 6-1 pananaig sa University of the East.
Sa iba pang men's matches, tinalo ng National University ang UP, 4-3, para makuha ang solo third sa kanilang 3-2 baraha.