MANILA, Philippines - Magiging bisita sina Philippine Sports Commission (PSC) chairman Richie Garcia at Youth Olympic Games gold medal winner Gabriel Moreno sa Philippine Sportswriters Association (PSA) Forum ngayong umaga sa Shakey’s Malate.
Tatalakayin ni Garcia ang paghahanda ng bansa para sa 2014 Asian Games sa Incehon, Korea.
Ilalahad naman ni Moreno ang kanyang karanasan sa Youth Olympic Games sa Nanjing, China.
Ang 16-anyos na archer ay sasamahan ng kanyang amang si Federico Moreno, ang presidente ng national archery federation, sa lingguhang sesyon na isinasaere nang LIVE sa DZSR Sports Radio 918.