GRANADA, Spain -- Itinala ng host Spain ang kanilang ikalawang sunod na panalo matapos talunin ang Egypt, 91-54, sa Group A ng 2014 FIBA World Cup.
Humakot si Serge Ibaka ng 18 points, 8 rebounds at 1 block para sa 2-0 baraha ng Spain.
Nagdagdag naman si Rudy Fernandez ng 14 marker kasunod ang 12 ni Pau Gasol.
Nakamit din ng Brazil ang kanilang pangalawang dikit na tagumpay matapos talunin ang Iran, 79-50.
Sa iba pang laro, pinayukod ng France ang Serbia, 74-73.
Kumamada si Joffrey Lauvergne, naglaro ng dalawang seasons sa Partizan Belgrade, ng 19 points at 6 rebounds para sa 1-1 marka ng France.
Sa Group A, giniba ng Senegal ang Puerto Rico, 82-75.
Sa Group D, pinabagsak ng Slovenia ang Mexico, 89-68, tampok ang 22 points ni Zoran Dragic.
Nagtala naman si Jonas Valanciunas ng 11 points at 13 rebounds para igiya ang Lithuania sa 75-62 panalo sa Angola.