MANILA, Philippines - Bibisita si head coach Thomas Dooley at ang mga miyembro ng Philippine Azkals sa Philippine Sportswriters Association (PSA) Forum ngayong umaga sa Shakey’s Malate.
Inaasahang tatalakayin ni Dooley at ng mga Azkals ang kanilang magiging kampanya para sa darating na Peace Cup.
Ang Azkals ang nagkampeon sa nasabing torneo noong 2013.
Dadalo din sa nasabing public sports program na isinasaere sa DZSR Sports Radio 918 at inihahandog ng Accel, Shakey’s at ng Philippine Amusement and Gaming Corp. ang mga opisyales ng Pacific Xtreme Combat (PXC).
Ilalahad nila ang idaraos na `Laban MMA sa Lipa, Batangas.’
Pangungunahan nina PXC director for fighter operations Rob San Diego, promoter Erwin Tagle at tag team matchmaker Jek Ferrer ang nasabing mixed martial art competition na nakatakda sa Agosto 30.
Hinihikayat ni PSA president Jun Lomibao ang lahat ng miyembro na dumalo.