NANJING – Nabigong makakuha ng medalya si Filipina gymnast Ava Lorein Verdeflor sa all-around event ng women’s gymnastics sa 2014 Youth Olympic Games.
Ngunit nakahanap ng dahilan ang 15-anyos na si Verdeflor, mula sa Plano, Texas, para ngumiti sa kabila ng kanyang 11th place finish.
Ang YOG ang pinakamalaking event na nasalihan ni Verdeflor, nakakuwalipika matapos pumang-lima mula sa 22 lahok sa nakaraang Asian Championships sa Uzbekistan.
Tanging siyam na gymnastics mula sa Asia ang nakarating dito.
“I’m very proud of how I did. I was able to make it here and compete for the Philippines,” sabi ni Verdeflor matapos ang all-around finals na napagwagian ni Seda Tutkhalyan ng Russia.
“I was kind of disappointed because I could have done better,” ani Verdeflor na may all-around score na 49.800.
Nagtala si Verdeflor, ang mga magulang ay parehong Filipino, ng 12.450 sa bars, 12.850 sa beam, 11.600 sa floor at 12.900 sa vault.
Sinabi ni Verdeflor na nakaapekto sa kanyang paglalaro ang sumasakit niyang binti.
“My first tumbling pass on the floor I touched my hands. On the landing my ankles of bothered me but I tried to finish the best I can,” wika niya.
Si Verdeflor ay kasama pa sa finals ng uneven bars.
Sasabak sa aksyon sina Bianca Roxas-Chua Gotuaco at Gabriel Luis Moreno sa men’s at women’s recurve individual ranking.