Heat makabawi kaya kagaya noong 2013?

MIAMI -- May natutuhang mahalagang lek­syon si LeBron James sa kan­yang biyahe bilang 19-year-old rookie hanggang sa pagiging isang two-time NBA champion.

Ito ay huwag ma­ki­ki­pag­-usap sa kanyang coach ha­bang nasa isang film ses­sion.

“Let him make his point, whether he’s right or wrong, and you live with it and move on,” wi­ka ni James.

Ito ang ipinakita ni coach Erik Spoelstra kay James at sa Miami Heat no­ong Miyerkules.

Walang nagawa ang de­pensa ng Miami sa ka­agahan ng Game 3 ng NBA Finals, habang tila nag­laro nang solo ang San Antonio Spurs.

Nagsalpak ang Spurs ng 19 sa kanilang unang 21 shots at tumipa ng fi­nals-record na 75.8 percent sa first half patungo sa kanilang 111-92 paggi­ba sa Heat at kunin ang 2-1 bentahe sa ser­ye.

Kagaya noong nakaraang taon, tinambakan din ang Miami sa Game 3 na nag-iwan sa kanila sa ser­ye, 1-2.

Ngunit bumangon ang Heat para angkinin ang ko­­rona.

Walang umangal sa pag­katalo ng Miami lalo na at tila hindi nagmintis ang San Antonio.

Ngunit kailangan ng Heat na ayusin ang ka­ni­lang laro sa Game 4 sa Hu­webes at kung hindi ay magbabalik sila sa San An­tonio para harapin ang kabiguan nilang makamit ang ikatlong sunod na titu­lo.

“You’re always on edge in the postseason, but I don’t want to be concerned at this point,” wika ni James. “For us, we have to make the adjustments.”

Noong 2013 NBA Fi­nals ay kinuha din ng Spurs ang 2-1 bentahe matapos iposte ang 113-77 ta­gumpay sa Game 3.

“We did not play a good basketball game,” wi­ka ni Spoelstra. “All of us have owned that. It doesn’t matter ultimately how many you lose by or what the game is like.”