SANTA CRUZ, Laguna, Philippines -- Inilunsad kahapon ni Koronadal City Mayor Peter Bascon Miguel ang kanilang hangaring pamahalaan ang 2015 Palarong Pambansa.
Sinabi ni Miguel na patuloy ang kanilang pagpapaganda sa South Cotabato Sports Complex na siyang pinagdausan ng Palarong Pambansa noong 1996 at 2007.
“We have added more facilities and venues hoping that we could bring Palaro back to our city,†wika ni Miguel sa Koronadal City katuwang ang South Cotabato.
Sinabi pa ni Miguel na ang kagustuhan nilang panga-siwaan ang 2015 Palarong Pambansa ay para isabay sa selebrasyon ng Koronadal City ng ika-75 anibersaryo.
Nakapagsumite na si Miguel sa Department of Education (DepEd) ng Letter of Intent noon pang 2012 Pala-rong Pambansa na idinaos sa Lingayen, Pangasinan.
Kasalukuyang sinusubaybayan ni Miguel ang mga atleta ng Region XII (SOCCSKSARGEN) dito sa 2014 Palarong Pambansa.