Caguioa dismayado sa mga teammates

MANILA, Philippines - Hindi matiis ni 2012 PBA Most Valuable Pla­yer Mark Caguioa na hin­di maibulalas ang kan­yang nararamdaman sa mga kakampi niya sa Barangay Ginebra.

Matapos masibak ang Gin Kings mula sa 84-97 pagyukod sa semifina­list na Talk ‘N Text Tropang Tex­ters sa quarterfi­nal round ng 2014 PBA Com­mis­sioner’s Cup no­ong Martes ay idinaan ni Caguioa ang kan­yang pag­kadismaya sa pamamagitan ng Twitter.

“Dati rati kinakataku­tan itong team nato at iniilagan pero ngayon lahat ng team gusto kami kalaban ksi mga tamad and sobrang lalambot,” ani Ca­guioa sa kanyang Twitter account na @official MC47.

Tumapos ang Ginebra na may 3-7 win-loss record.

Sa naturang kabiguan sa Talk ‘N Text, nagbitbit ng ‘twice-to-beat’ advantage bilang No. 1 team, ay tumipa ang 13-year ve­teran ng team-high na 18 points mula sa kanyang 9-of-13 fieldgoal shoo­ting.

Ikinumpara ni Caguioa ang mga Ginebra pla­yers ngayon kumpara sa koponan ni ‘Living Le­gend’ Ro­bert Jaworski, Sr.

Ilan sa mga binigyang-halaga ni Caguioa ay sina Ru­dy Distrito, Bal David, Noli Locsin at Pido Jarencio, ang coach ngayon ng Globalport.

“Kilala ba nila si Coach Sonny? Noli Loc­sin? Pido? Bal david? Rudy Distrito? Itong mga pla­yer nato makikipag pa­litan talaga ng mukha,” ani Caguioa.

“Parang ito na yung mga player ngayon na parang hindi nila alam ang history ng GINEBRA. I dnt think they knw ksi parang walang mga pake,” sabi pa ng 34-anyos na three-time Best Player of the Conference awar­dee.