Heat hindi babalewalain ang hamon ng Bobcats

MIAMI -- Kung ang kanilang pakikipagharap sa  Charlotte Bobcats ang pagbabasehan, lamang na lamang ang Miami Heat.

Sa 23 beses nilang pagkikita, apat na beses lamang natalo ang Heat sa Bobcats.

Nagposte din ang Miami ng 15-0 record laban sa Charlotte sapul nang mabuo ang tatluhan nina LeBron James, Chris Bosh at Dwyane Wade.

Ngunit para sa Heat, wala itong saysay sa kanilang Eastern Conference first-round series ng Bobcats.

Hangad ng two-time defending champion na Mia­mi ang kanilang ikaapat na sunod na NBA Finals trip.

“Anything before this season doesn’t matter,” aniHeat coach Erik Spoelstra sa kanilang pagsagupa sa Bobcats sa serye.