Sinabing ginagawa din ito nina Mayweather at iba pa, Roach hindi bumilib sa regimen ni Bradley

LOS ANGELES – Ipinagyabang kamakalawa ni Timothy Bradley, Jr. ang kanyang training at sparring regimen.

Sinabi ni Bradley na sumasabak siya ng isang 10-minute rounds sa tatlong magkakaibang sparmates nang walang hinto.

Ngunit hindi bumilib si Freddie Roach, ang chief trainer ni Many Pacquiao.

Ayon kay Roach, hindi lamang si Bradley ang gu­magawa ng nasabing sparring regimen.

“I think (Floyd) Mayweather does that also,” sabi ni Roach.

“(Adrien) Broner goes like half hour straight with no rest. Strange, yeah. It might be good for conditioning but I really don’t care what Bradley is doing,” dagdag pa nito.

Sinabi pa ni Bradley na siya ay nasa isang ve­gan diet na nagpapalakas sa kanya.

Kagaya ng inaasahan, kinontrang muli ito ni Roach.

“The vegan diet makes him weak. And I think the training stuff he does with the weights that makes him muscular slows him down. Then he boxes 10-minute rounds,” ani Roach.

Nauna nang sinabi ni Bradley na pababagsakin niya si Pacquiao sa pamamagitan ng kanyang left hook sa kanilang rematch sa Abril 12 sa MGM Grand.

Ngunit sinabi ni Roach na hin­di ito kayang gawin ni Bradley kay Pacquiao.

“He can’t punch with either hand so I’m not worried about it. He can kick me if he wants to,” wika ni Roach.

Ginawa ni Bradley ang kanyang komento isang araw matapos isa­gawa ang isang media workout sa Fortune Gym.

“Kawawa,” sagot naman ni Pacquiao sa nasa­bing pagyayabang ni Brad­ley.

Ayon kay Roach, han­dang-handa na si Pacquiao na makipagsuntukan kay Bradley.

“Manny is ready and fired up. I like what I see,” wika ni Roach.

“He’s full of energy and I’m very happy where he’s at right now. Last week I was a little worried that he had a sinus infection but now he’s ready to go,” dagdag pa ng trainer sa Filipino boxing superstar.