MANILA, Philippines - Natanggal sa hanay ng mga world champion ng banÂsa si Merlito Sabillo nang maisuko niya ang suot na WBO miÂnimumweight title sa pamamagitan ng tenth-round TKO loss sa mas determinadong si Francisco Rodriquez ng Mexico kahapon sa Arena Monterrey, Mexico.
Bitbit ang mainit na suporta ng mga kababayan, hinÂdi nilubayan ni Francisco si Sabillo mula nang tuÂmuÂnog ang opening bell para hindi makadiskarte ang dating kampeon.
Muntik pang matapos ang laban sa first round nang dalawang beses na tumumba ang 30-anyos na tuÂbong Toboso, Negros Occidental na si Sabillo dahil sa matitinding kanan ni Rodriguez.
Umabot sa 10 rounds ang labanan pero tunay na naÂhirapan si Sabillo sa tila walang kapaguran na pag-atake ni Rodriguez.
May 1:50 pa sa orasan sa nasabing round nang itigil ni referee Eddie Claudio ang bakbakan matapos maiÂpit si Sabillo ni Rodriguez at hindi na nakakaganti sa matitinding pagbayo ng Mexican boxer.
Ito ang kauna-unahang pagkatalo ni Sabillo matapos ang 25 laban, ngunit nangyari ito matapos ang split draw decision kay Carlos Buitrago ng Nicaragua noÂong Nobyembre 30 sa Smart Araneta Coliseum.
Marami ang nagsabi na nawala lamang sa kondisÂyon si Sabillo sa tagisan nila ni Buitrago pero lumabas na tunay na bumaba ang estado nito sa nangyaring kaÂbiguan.
Ang panalo ng 20-anyos na si Rodriquez at No. 9 sa WBO ay kanyang ika-14 sa 16 laban.
Sina Donnie Nietes at John Riel Casimero na lamang ang mga world champions ng Pilipinas sa WBO at IBF light flyweight divisions.