BACOLOD CITY , Philippines -- Ang Batang Pinoy National Finals ay magsisilbing paraan para sa mga batang atletang taga-Tacloban na makabangon sa banguÂngot ng pananalanta ng bagÂyong ‘Yolanda’.
Higit sa 30 athletes mula sa Leyte Sports AcaÂdemy na pawang nawalan ng tirahan ang lalahok sa 15-and-under event na sisimulan ngayong araw.
Ang mga Taclobanons ay inaruga ng Philippine Sports Commission sa MaÂnila kung saan sila nagÂhanda para sa Batang Pinoy National Finals na matatapos sa Pebrero 1.
“All of them were struck by the typhoon and yet they will be taking part here. It’s a good sign from the athletes, to show that they’re on their way to recovery,†sabi ni PSC chairman Richie Garcia sa press conference kahapon sa Grand Regal Hotel na dinaluhan din nina Negros Occidental Vice Gov. Eugenio Lacson. reÂpresentative Art Puentevella at Bacolod City Mayor Monico Puentevella.
Ang mga pambato ng Leyte ang ilan sa mga 2,000 partisipante na sasaÂbak sa 21 sports events.
Inaasahan ni Garcia na makikipagsabayan ang mga Taclobanons.
“Watch out for Tac-loban, they will come in strong. They train in Manila with the national team, I’m sure they’ll have a good showing,†ani Garcia.
Pormal na bubuksan ang Batang Pinoy National Finals sa Bacolod Public Plaza ngayong alas-5 ng hapon.
Sina Mayor Puen-tevella at Negros Occidental Gov. Afredo Maranon ang magbibigay ng welcome address at magdedeklara ng pormal na pagbubukas ng kompetisyon habang si Garcia ang magbibigay ng inspirational speech.
Unang bubuksan ang aksiyon sa softball sa Bacolod National City High School sa umaga.