MANILA, Philippines - Ilagay ang pangalan bilang kauna-unahang kampeon ng 1st UNTV Cup ang balak gawin ng Judiciary sa pagharap uli sa Philippine National Police sa Game Two ng finals ngayong gabi sa Araneta Coliseum
Sa ganap na ika-8:00 ng gabi gagawin ang tagisan at hanap ng koponang hawak ni Dennis Balason na maulit ang 80-76 panalo sa unang tagisan ng best-of-three finals noong Oktubre 27.
Bago ang larong ito, matutunghayan muna ang exhibition game sa pagitan ng PBA Legends at koponang binubuo ng mga public servants at celebrities sa ika-6 ng gabi.
Nakitaan ng katatagan ang Judiciary sa unang tagisan nang manalo kahit nakitang naglaho ang double-digits na kalama-ngan sa halftime. Si Don Camaso ay gumawa ng 24 puntos pero sina John Hall at ang mga off-the-bench players na sina John Herbert Bergonio at Frederick Salamat ang mga nagtrabaho sa huling 10 minuto.
Kung manalo ang Judiciary, maibubulsa rin ng koponan ang P1 milyong premyo na ibibigay ng Breakthrough and Milestone Production International sa kanilang napiling charitable institution.