INDIANAPOLIS -- Tinangka ni Danny Granger na huwag alalahanin ang kanyang injured left calf.
Ilang oras matapos ihayag ng Pacers na hindi makakalaro si Granger sa loob ng tatlong linggo dahil sa muscle strain, nilisan niya ang kanilang team practice na may ngiti at sinabing ang injury ay hindi kasing lubha kagaya ng kanyang nakuha noong nakaraang season.
“It’s not terrible,’’ ani Granger. “I can run up and down the court but when I start jumping, it feels like a knot in my calf where I hurt it. They (mga doctor) just said to sit out until I didn’t feel it.’’
Hindi nakita si Granger sa limang laro sa preseason bunga ng tendon injury sa kanyang kaliwang tuhod.
Sa offseason, kumuha ang Indiana ng tatlong free agents, dalawang bagong assistant coaches, dinalang muli si Larry Bird sa front office at nakipag-trade para kay Luis Scola.
Umaasa ang Pacers na maganda ang magiging resulta ng mga ito matapos puwersahin ang Miami sa Game 7 sa nakaraang Eastern Conference finals.