Alaska umabante sa quarterfinals

MANILA, Philippines - Alam ni coach Luigi Tril­lo na ang matibay na de­pensa ang magpapasok sa kanila sa quarterfinal round.

At pinatunayan ito ng Alaska nang takasan ang Barako Bull, 91-89, para umabante sa quarterfinals ng 2013 PBA Governor’s Cup kagabi sa Cuneta Astrodome sa Pasay City.

Bumawi ang Aces mu­la sa isang eight-point de­fi­cit sa huling minuto ng fi­nal canto para wakasan ang kanilang two-game lo­sing slump kasabay ng pag­papalasap sa Energy ng ikatlong sunod na ka­ma­lasan nito.

Umasa ang Alaska ki­na JVee Casio, Calvin Abu­eva, Cyrus Baguio, To­ny Dela Cruz at import Wendell McKines sa fourth quarter para talunin ang Barako Bull.

Matapos ilista ng Ba­rako Bull ang 85-77 abante sa huling minuto ng fourth quarter ay tumi­pa naman si Casio ng da­lawang magkasunod na three-point shots para sa 83-85 agwat ng Alaska.

Ang dalawang charities ni Danny Seigle ang mu­ling naglayo sa Energy sa 87-83.

Nagsalpak ng tres si Baguio kasunod ang jum­per ni Dela Cruz para sa 88-87 bentahe ng Aces sa hu­ling 1:15 minuto.

Muling nakuha ng Ba­rako Bull ang unahan sa 89-88 sa nalalabing 23.5 se­gundo.

Umiskor si Dela Cruz ng split kasunod ang da­lawang free throws ni Mc­­Ki­nes para sa 91-89 aban­te ng Aces.

Alaska  91 - McKines 21, Baguio 15, Casio 14, Espinas 11, Thoss 8, Abueva 7, Hontiveros 7, Jazul 5, Dela Cruz 3.

Barako Bull 89 - Singletary 38, Buenafe 12, Seigle 11, Weinstein 7, Villanueva 7, Pennisi 7, Intal 3, Macapagal 2, Cruz 2, Marcelo 0, Jensen 0.

Quarterscores: 20-25; 39-39; 62-64; 91-89.