Isang ‘himala’ kung mananalo ang Pilipinas sa 2014 World Cup

MANILA, Philippines - Ngayon pa lamang ay inamin na ni Gilas Pilipinas coach Chot Reyes na ‘hi­mala’ na kung may ta­ta­lunin silang koponan sa 2014 FIBA World Cup sa Spain.

Sinabi ni Reyes na mahihirapan ang Gilas Pilipinas sa isa man sa apat na ko­ponang umabante sa se­mifinal round ng kasa­lu­kuyang 2013 FIBA AfroBasket sa Abidjan, Cote d’Ivoire (Ivory Coast).

“Very slim vs Angola, slim vs d other 3, but at least may chance,” wika ni Reyes sa kanyang Twitter account na @coachot ka­hapon mula sa kanyang gi­nagawang scouting sa tor­neo sa Ivory Coast.

Maliban sa Ivory Coast, ang iba pang naka­pasok sa Final Four ay ang An­go­la, Egypt at Senegal.

Giniba ng Senegal ang Nigeria, 64-63; inilampa­so ng Angola ang Moroc­co, 95-73; nilusutan ng Egypt ang Cape Verde, 74-73; at tinalo ng Ivory Coast ang Cameroon, 71-56, sa quarterfinals.

Nakatakdang sagupain kagabi ng Ivory Coast ang Angola, habang makaka­ha­rap ng Egypt ang Sene­gal.

Ang dalawang kopo­nang mananalo ang awto­matikong makakakuha sa dalawa sa tatlong tiket pa­ra sa 2014 FIBA World Cup sa Spain, habang ang ikatlo at huling puwesto ay pag-aagawan ng dalawang natalong tropa.

“Watching d Afro Bas­ket games tells me 1 thing: this should be our next tune-up series: Tunisia, An­gola, Nigeria, Ca­­me­roon, Cote d ‘Ivoire (Ivory Coast),” sabi ni Reyes.

Bukod sa Gilas Pilipinas, ang dalawa pang ka­­katawan sa Asya sa 2014 FIBA World Cup ay ang Iran at Korea.