MANILA, Philippines - Lumawig pa ang layo ni Pat Dilema sa mga karibal na sina Jessie Guce at Jonathan Hernandez kung career earnings sa horse racing ang pag-uusapan.
Sa talaan sa jockeys career earnings hanggang Hul-yo 6, si Dilema ay nakaagwat na ng halos dalawang milyon kay Guce.
Umabot na sa P47,608,873.64 ang premyong naiuwi na ni Dilema mula sa P466,479,263.53 kabuuang premyo na napanalunan sa kanyang career.
Si Guce ay mayroon ng P45,897,059.62 earnings mula sa P449,706,639.40 kabuuang premyong nakuha at angat pa rin kay Jonathan Hernandez na mayroong P43,072,712.67 kita mula sa P422,033,241.91 kabuuang napanalunan.
Hindi naman natinag ang iba pang hinete na nasa unang sampung puwesto sa pangunguna ni Fernando Raquel Jr. na nasa ikaapat na puwesto at napag-iiwanan na ng halos P12 milyon ni Hernandez.
May P31,831,646.41 kita na si Raquel bilang porsiyento sa P311,891,499.25 total earnings habang ang iba pang nasa top ten ay sina Jeff Zarate, Dominador Borbe Jr., Antonio Alcasid Jr. , Val Dilema, John Alvin Guce at John Cordero.
Si Zarate ay may P26,971,472.25 career prize earning mula sa P264,270,745.14 total prize bago sinundan nina Borbe na may P22,028,261.47 (P215,836,385.13), Alcasid na may P21,545,172.11 (P211,102,999.31), Dilema na may P21,526,929.96 (P210,924,259.86), Guce na may P20,150,897.36 (P197,441,675.08) at Cordero na may P17,468,481.97 (P171,158,945.44).
Ang iba pang mga hinete na kumita na ng mahigit na P10 milyon sa talaan ay sina Rodeo Fernandez (P16,196,696.42), Kevin Abobo (P14,386,442.45), Mak Alvarez (P13,926, 563.26), Jordan Cordo-va (P12,428,764.62) at John Paul Alvin Guce (P12,351,516.55).
Binabawian naman ni Guce ang ibang mga kasamahan dahil una siya sa talaan hanggang buwan ng Mayo sa P2,270,570.89 kinita mula sa 564 takbo habang si Dilema ang nasa ikalawang puwesto sa P1,867,601.57 sa 411 sakay.