MANILA, Philippines - Maaari nang magparehistro ang mga nais lumahok sa 2013 Manila Bay Seasports Festival sa Manila Broadcasting Company (MBC).
Tampok sa proyektong ito ng MBC at Lungsod ng Maynila, sa pakikipagtulungan ng Philippine Coast Guard, ang pinaghalong koponan ng mga lalake’t babae sa karera sa dragon boat at mga batikang bangkero mula sa iba’t ibang bahagi ng kapuluan.
Gaganapin ang kompetisyon sa Marso 16-17.
Mahigit kalahating mil-yong piso ang nakalaang papremyo sa mga idaraos na karera kung saan matutunghayan ng mga manonood ang kakaibang bilis at lakas ng mga natu-ringang atletang dagat.
Tig-32 kalahok lamang ang tatanggapin sa stock at formula races na tinaguriang ‘bancathon.’
Ang mga interesadong sumali ay dapat tumawag agad kay Lida Aquino, sa numero 832-6175 simula sa Pebrero 20.